Kryetari i PSD, Tom Doshi tha sot në një takim me simpatizantë dhe anëtarë se ai do të jetë në listën e Shkodrës.
Ai synon që të marrë minimumi 7 deputetë në shkallë vendi.
Në qarkun Shkodër, Tom Doshi ka objektiv të marrë 3 deputetë, ndërsa 1 deputet në Lezhë, 2 në Tiranë, 1 Durrës. Po kështu shtabi i tij elektoral thotë se PSD do të fitojnë 1 deputet në Elbasan, 1 në Vlorë dhe 1 në Fier.
“Po e deklaroj sot që unë do jem deputet i Shkodrës për 4 vitet e ardhshme. Synimi jonë nuk është më për dy deputetë, por duke parë punën dhe mbështetjen në qarkun e Shkodrës, do luftojmë për 3 mandate. Për diasporën kam një thirrje, të votojnë PSD nëse duan të shohin njerëzit e tyre më të lumtur”, u shpreh Tom Doshi.
Nëse PSD merr 7 deputetë krijon grupin e vetë parlamentar.
