Kryetari i bashkisë së Tiranës, Erion Veliaj, i cili ndodhet në masën “Arrest me burg” ka reaguar sot përmes një postimi në rrjetet sociale.
Veliaj e quan “farsë” dosjen ndaj tij, të cilën ai po përpiqet ta çmontojë me fakte duke reaguar edhe këtë të diel.
Veliaj e vazhdon reagimin e tij duke e quajtur këtë një “goditje qorre të Olsi Dados kundër tij dhe familjes së tij për llogari të Sali Fundërrinës”.
“Goditja qorre e Olsi Dados kundër meje dhe familjes time është kryekëput një “vrasje me pagesë” për llogari të Sali Fundërrinës. Paçavurja e tij e thurrur me gabime trashanike dhe dashakeqësira pa cipë fare, pastaj aktivizimi i kasapit Sali fundërrinist, që si për ironi të fatit mban edhe emrin tim (Erion), bënë realitet largimin tim nga drejtimi i Bashkisë së Tiranës në mes të fushatës.
Me siguri menduan që duke më mbyllur brenda pa gjyq, do të më mbyllnin gojën dhe s’e kanë menduar keq, se kështu bënte edhe Saliu kur degdiste kolegët mjekë në internim. Por, ky “kolegu” im Ols Angoni as nuk e ka idenë se me kë është ngatërruar, megjithëse e quan veten Bruce Willis hajvani dhe u tregon muskujt atyre ushtarëve të BKH (tani hajde Bruce, jepi, fute edhe këtë tek kërcënimet që i kam bërë kafkës tënde të mbështjellë me shollë)”, shkruan nder të tjera Veliaj.
