Partia Demokratike po mbyll negociatat me Partinë e Lirisë për qarqet ku forca e drejtuar nga Ilir Meta do të ketë deputetë të sigurtë.
Mësohet se Ilir Meta do të kandidojë në qarkun e Fierit, edhe pse më herët ishte menduar se ish-presidenti do të garonte në Tiranë.
Edmond Haxhinasto do të kandidojë në Elbasan. Ndërkohë që Partia e Lirisë ka kërkuar që në Tiranë të garojnë Erisa Xhixho dhe Tedi Blushi.
Ende mbetet për t’u diskutuar në cilat qarqe do të garojnë Vangjel Dule, Fatmir Mediu e Shpëtim Idrizi. Ndërsa përfaqësuesi i Agron Dukës do të jetë në Durrës.
Në listat e koalicionit të Berishës, aleatët do të kenë 8 vende në pjesën e sigurtë të listës dhe disa vende në pjesën e hapur të saj.
