Në Abu Dhabi po zhvillohet Samiti i “Forbes 2025”.
Revista e njohur amerikane ka njoftuar pjesëmarrjen e bashkëshortes së kryeministrit shqiptar, Linda Rama.
Linda Rama ka theksuar që problemi më i madh që trashëgoi komunizmi nuk ishte varfëria, por traumat sociale. Gjatë fjalës Linda tha se tashmë Shqipëria është vendi i parë në Europë për rritjen e turizmit.
”Pas kaosit dhe pasigurisë të vitit 1991 nga rënia e sistemit, mësimet më të mëdha i nxorëm nga pësimet dhe të mësosh nga pësimet është e dhimbshme dhe e kushtueshme. Në tranzicionin tonë nuk kemi qenë vetëm, bota demokratike ka qenë dhe është me ne. Shqiptarët dhe Shqipëria ja kanë dalë sot të ulen në tryezën e negociatave për anëtarësim në Bashkimin Europian. Jemi vendi me rritjen më të madhe të turizmit në Europë. Vizitoni Shqipërinë. Nëse vini një herë, e dimë që do të na vizitoni përsëri’‘, tha Linda Rama.
