Një lajm i ëmbël dhuroi emocione në studion e “Për’puthen Prime”, në episodin e parë të këtij sezoni.
Neda Balluku zbuloi për publikun se është në pritje të fëmijës së tretë. Por, produksioni nuk e la me kaq. Pasi konfirmoi gjininë e bebit, Bora Zemani ftoi Nedën ta zbulonin së bashku në ‘live’ në studio. Nga kutia e surprizave dolën disa tollumbace rozë, duke konfirmuar kështu se së shpejti, familja do të shtohet me një vajzë, ashtu sikurse Neda kishte dëshirë.
“Në familjen tonë do të vijë dhe një bebe tjetër. Kur e zbuluam thamë: bebi numër tre, po tani çfarë do të bëjmë? Është një shprehje që thotë se jeta është ajo që të ndodh kur ti bën plane të tjera. Jeta në këtë moment na ka rezervuar një surprizë dhe një dhuratë shumë të bukur. Të papritur, por shumë të dashur”, tha Balluku.
