Rruga e re turistike Shëngjin – Velipojë bën më shpejt të akesueshëm për pushuesit plazhet e veriut.
Kryeministri Edi Rama ka ndarë sot pamje nga rruga e re që lidh Shëngjinin me Velipojën, një projekt infrastrukturor që pritet të lehtësojë ndjeshëm lëvizjen në këtë zonë turistike dhe të nxisë zhvillimin ekonomik të saj.
Kreu i qeverisë bëri të ditur se punimet kanë përfunduar ndërsa e cilëson këtë rrugë si një tjetër investim që kontribuon në promovimin e Shqipërisë Turistike dhe në zbulimin e bukurive natyrore që vendi ofron.
“Me videokartolinën e rrugës së bukur Shëngjin – Velipojë, ndërtimi i shumëpritur i të cilës mbaroi, duke krijuar një vlerë të shtuar për Lezhën e për Shkodrën Turistike, qysh prej kësaj vere, ju uroj një ditë të mbarë“, shkruan Rama teksa publikon videon më poshtë:
View this post on Instagram
