Kryeministri Edi Rama, në fjalën në nisje të Samitit të Europës, u ndal edhe tek presidenti i SHBA, Donald Trump dhe atentati që iu bë gjatë fushatës.
Rama bëri një ndërthurje simbolike mes politikës dhe besimit për të ardhmen e kontinentit, duke iu referuar shefit të “Shtëpisë së Bardhë”.
“Kur Donald Trump tha se Zoti e shpëtoi nga plumbi sepse kishte një plan për Shtetet e Bashkuara, ai tha vetëm gjysmën e të vërtetës. Zoti ka një plan edhe për Europën”, u shpreh Rama.
Rama shtoi se kontinenti europian ka sot një mundësi të dhuruar nga Zoti për t’u rishpikur, për t’u kthyer në një vend shprese dhe vizioni.
“Udhëtimi ynë nuk është një udhëtim rrëmbimi, por një kthim në shtëpi, që gëlon me ëndrra për të ardhmen. Një shtëpi që nuk ngjan me formën e armëve, por me imagjinatën e fëmijëve tanë dhe etërve themelues,” theksoi Rama.












