Ministrat e Jashtëm të Bashkimit Evropian do të mblidhen të hënën për të diskutuar situatën e krijuar pas sulmeve të SHBA-së ndaj Iranit.
Përfaqësuesja e Lartë e BE-së për Politikë të Jashtme dhe Siguri, Kaja Kallas, përmes një postimi në platformën “X” ka theksuar se nuk duhet lejuar që Irani të zhvillojë armë bërthamore, pasi kjo do të përbënte një rrezik serioz për sigurinë ndërkombëtare. Ajo gjithashtu ka bërë thirrje për vetëpërmbajtje dhe kthim në tryezën e bisedimeve.
“Irani nuk duhet të lejohet të prodhojë armë bërthamore, sepse kjo do të ishte një kërcënim për sigurinë globale. U bëj thirrje të gjitha palëve të tregojnë përmbajtje, të rikthehen në negociata dhe të shmangin përshkallëzimin e mëtejshëm,” – ka deklaruar Kallas.
