SPAK ka njoftuar se brenda muaji korrik do t’i nënshtrohen të gjitha fazave të tjera të konkurrimit 7 kandidatët që kanë ngelur në garën për postin e shefit të BKH.
Brenda 31 gushtit duhet të zgjidhet drejtori i ri i Byrosë Kombëtare të Hetimit. Kandidatët që synojnë drejtimin e BKH pritet të bëjnë vrap 2400 metra, 300 metra sprint, muskuj barku dhe pompa e më tej analizat mjekësore. Gjithashtu kush kualifikohet për fazën e radhës e pret eseja e zgjeruar, poligrafi, verifikimi i figurës dhe deklarimi i pasurisë.
Konkretisht në garë kanë mbetur: Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta. Shumica pre tyre janë zyrtarë policie dhe hetues aktualë në SPAK.












