Gazetarja Klodiana Lala ka folur për kandidatët “favoritë” që mund të zëvendësojnë Altin Dumanin në krye të SPAK-ut.
Këtij të fundit i mbaron mandati 3-vjeçar në krye të institucionit. Klodiana Lala përmendi disa emra që kanë kandiduar edhe më herët.
“Është herët për të thënë, por mund të kandidojë Adnan Xholi, që ka kandiduar edhe më herët. Mund të kandidojë Klodian Braho.Mundet të rikandidojë edhe Arben Kraja, që ka patur mandatin tre vjeçar dhe tani i lind sërish e drejta. Në mesin e grave prokurore, shoh Anita Jellën. Mendoj se do të jetë një betejë e fortë sepse emri që do të jetë në krye do të përcaktojë të ardhmen e institucionit. Fakti që po bëhet një luftë e madhe për drejtuesin e BKH, që është absolutisht shumë më pak i rëndësishëm se drejtuesi i SPAK, imagjinoni se sa debat do të ketë për drejtuesin e SPAK“, tha Klodiana Lala.
