Bashkimi Europian është duke u përgatitur për një zgjerim të mundshëm me Shqipërinë dhe Malin e Zi, të cilat synojnë që të bëhen pjesë e familjes së madhe europiane gjatë viteve 2028 dhe 2029.
Ky afat kohor u diskutua në Forumin Strategjik të Bledit, ku zyrtarët e BE-së theksuan nevojën për reforma të brendshme dhe angazhim nga vendet kandidate.
Përgjatë kësaj mbledhje u diskutua fakti se Mali i Zi mund të anëtarësohet në Bashkimin Europian në vitin 2028, ndërsa vendi ynë një vit më vonë, në 2029, kjo në varësi të përmbushjes së kritereve të reformës.
Në këtë tavolinë udhëheqësit e Bashkimit Europian theksuan ndër të tjera se zgjerimi është një përparësi e cila kërkon përgatitje të brendshme të BE-së dhe angazhim të vendit kandidat.
Fushat kryesore për vendet kandidate përfshijnë sundimin e ligjit, të drejtat e njeriut dhe masat kundër korrupsionit.
