Kryeministri Edi Rama ka paralajmëruar shkrirjen e Prefekturave në të gjithë vendin.
Gjatë prezantimit të ministrit të ri të Brendshëm, Albana Koçiut, kreu i qeverisë nuk kurseu kritikat për administratën, ndërsa shtoi se Prefekturat në të gjithë vendin nuk kanë asnjë impakt në shërbim të qytetarëve por i cilësoi si “çerdhe për të punësuar” njerëz të paaftë.
“Ndryshimi rrënjësor i administratës i cili nuk fillon nga ndryshimi i njerëzve por i qasjes nën një drejtim që kërkon të shihen ndryshe punët e brendshme është domosdoshmëri. Arsimimi dhe edukimi i trupës policore është një çështje e Ministrisë së Brendshme. Funksionimi i prefekturave dhe dimensioni i pushtetit vendor në punët e brendshme po të shohin realitetin është shumë i mangët, dhe prefekturat sot janë institucione që kanë humbur peshën dhe kuptimin dhe na duhet një reformë për prefekturat të cilat natyrisht do ta bashkë udhëheqin ministraja e Brendshëm me ministrin për pushtetin vendos, Duhet të nxjerrim konkluzion na duhen apo s’na duhen fare dhe nëse na duhet cfarë duhet rregullojmë dhe jo të jenë si fole që shpërndajnë paga dhe impakti i të cilave në punët e brendshme është afër zeros”, tha Rama.
