Sali Berisha, deklaroi jashtë Parlamentit se do t’i kërkonte falje ambasadorit të Bashkimit Evropian, Silvio Gonzato, në rast se ky e kishte marrë si fyerje një nga deklaratat e tij më parë gjatë ditës.
Berisha theksoi se “të kërkosh falje është gjëja më e thjeshtë”, duke shtuar se sipas tij, Gonzato vetë kishte bërë më parë një deklaratë ku tregonte se pas martesës së tij të parë, ishte martuar me një mashkull.
Ai argumentoi se fjalët e tij nuk kishin pasur qëllim të ofendonin, por thjesht përsëritnin atë që kishte thënë ambasadori.
“Nëse ai e ka marrë si fyerje, unë do të rishikoj qëndrimin tim dhe i kërkoj falje, por nuk e shoh këtë si një ofendim,” përfundoi Berisha.
