Partia Demokratike zhvilloi protestën e radhës para zyrës së Edi Ramës, të cilit i kërkojnë dorëheqjen.
Njëjtë si javën e kaluar, edhe kësaj radhe nuk ka asnjë surprizë me pjesëmarrjen.
Thirrjes së Berishës për t’iu bashkuar foltores para Kryeministrisë i janë përgjigjur vetëm një grusht militantësh, siç shihet edhe në këto pamje me dron të siguruara nga Report TV.
Këtë herë kreu i PD nuk foli vetë i pari në protestë por ua la fjalën disa deputetëve dhe anëtarëve të tjerë të PD e PL, ndërsa mesazhin e parë e solli nga shumë larg, atje ku thotë se u nderua si e një prej 17 zv. presidentëve të një organizate partish të djathta, CDI.
“Janë kapur duke vjedhur dhe prapë nuk largohen. Do i largojmë. Erdhëm këtu për të mos ikur nga ky shesh pa fitore, çdo qytetar duhet ta dijë se ky shesh do pëmbushë misionin e saj kur shqiptarët t’i largojnë këta hajdutë nga qeveria. Ndaj dhe u bëj thirrje shqiptarëve, shpirtit të tyre të protestës, idealeve të tyre të lirisë, të ngrihemi sepse këta hajdutë po vjedhin paratë, po vjedhin të ardhmen tonë, po shkatërrojnë Shqipërinë”, tha Berisha.
