Sali Berishës duket se po i del situata nga kontrolli pasi brenda PD-së po nis një lëvizje kundër tij.
Edhe pse për muaj të tërë ka tentuar të shuajë zërat kritikë, duket se “pilafi nuk mban më ujë”. Ai që ka “derdhur gotën” ka qenë Flamur Noka, i cili me sjelljen arrogante dje ndaj një zonje në degën e Kamzës, ka bërë që të “shpërthejnë” rebelimet në PD.
Por goditja më e fuqishme ka ardhur sot nga Ervin Salianji, i cili ka mbledhur në një takim më të votuarit e primareve dhe ka sinjalizuar se gjërat po lëvizin nga brenda. Sipas informacioneve në takimin që ka zgjatur afro 3 orë në një prej hoteleve të Tiranës kanë marrë pjesë përveç Salianjit edhe Ilir Alimehmeti me Hysen Kadiun, i pari që rezultoi ndër emrat më të votuar të listës së hapur të PD-së në Qarkun e Tiranës, ndërsa tjetri emri më i votuar në primare, por që nuk kandidoi për deputet.
Gjithashtu në takim ishin Gentian Çela, Qani Xhafa, Aulon Kalaja, Ted Kolliku, Alma Kore, Parid Mahmutaj, Xhemal Gjunkshi etj. Në këtë takim është folur për mënyrën se si duhet të përmirësohet PD dhe për mundësinë e thirrjes së Këshillit Kombëtar për të diskutuar se si duhet të vijojë aksioni politik.
Po ashtu, bëhet me dije se ky takim nuk do të jetë i fundit, por të ngjashëm do të jenë periodikë edhe me më shumë emra në tryezë.
Lëvizje e re “anti-Berisha” në PD? Takimi pa kamera i figurave të njohura! Mes tyre edhe…
