Partia Demokratike pritet të mbledhë sot Kryesinë, ku do të diskutohet dhe vendoset data e nisjes së protestave.
Lajmi u paralajmërua nga Sali Berisha ku njoftoi se vendimi për protesta do të merret me urgjencë. Berisha i cilësoi zgjedhjet e 11 majit si një farsë, duke deklaruar se procesi zgjedhor deformohetnga qeveria.
“Sot në drekë mblidhet Kryesia e PD-së dhe do të vendoset pa vonesë për nisjen e protestave dhe revoltës qytetare”, u shpreh Berisha, duke theksuar se aksioni opozitar do të vijojë deri në “largimin imagjinar” të qeverisë.
Berisha shtoi se ka qytetarë të gatshëm të dalin në protestë menjëherë dhe se numri i tyre do të rritet.
