Kryeministri Edi Rama zbuloi një bisedë me një kolege që u bë ministre e cila i është shprehur se “i vjen turp nga vetja” kur ulet në sallën e Parlamentit, në vendin e kabinetit të qeverisë.
“Një kolege që u bë ministre duke qenë deputete, pas nja 3 muajsh thotë “sa herë ulem në atë pjesën lart të Parlamentit më vjen turp nga vetja, se ku isha aty poshtë mendoja lumsi këta që janë aty lart, por në fakt, nuk paska qenë kështu”, tha Rama, por pa e zbuluar emrin e minsitres.
Rama më tej iu drejtua përfaqësuesve të bizneseve në sallë, teksa u tha se shpesh shihen si “kulakë, oligarkë apo gjakpirës”, ndërsa u dha edhe një mesazh të qartë për trajtimin e punonjësve të tyre.
“Mos harroni kurrë një gjë, të gjithë janë të rëndësishëm, por më të rëndësishëm janë ata që punojnë për ju. Çdo gjë që hiqni prej tyre, e keni në llogarinë e ferrit ku do përfundoni”, tha Rama.
