Sali Berisha ka shpërndarë një mesazh në vigjilie të ndërrimit të viteve, duke paralajmëruar një vit të shpresës dhe me kritika ndaj qeverisë.
Pavarësisht se të gjithë urojnë mirësi dhe shpresë për një vit të mbarë, Berisha ka befasuar teksa deklaroi se ne vitin 2026 do t’i bëjë funeralin qeverisë.
“Viti 2025 ishte një vit që shqiptarët kurrë nuk e meritonin”, u shpreh Berisha, duke shtuar se: “shqiptarët në vitin 2026 do t’i bëjnë funeralin Rilindjes“.
Berisha e përshkroi vitin e kaluar si një periudhë krizash institucionale dhe demokratike.
“Narkodiktatori… rrëmbeu votën e shqiptarëve dhe ndërtoi mazhorancën e krimit. Viti 2025 ishte viti në të cilin kartelet e drogës të lidhura direkt me qeverinë shqiptare… u bënë zotër të tregut të kokainës në Europë”, u shpreh Berisha.
Ai bëri thirrje për bashkim qytetar dhe rikthim të votës së lirë dhe demokracisë.
“Gëzuar Vitin e Ri 2026, kudo që ndodheni”, perfundoi Berisha.
