Ky vit i ri mori me vete edhe thashethemet e dala në ditët e fundit të 2025-ës, sa i përket ndërtimit të një qeverie teknike me kryeministre, akademiken dhe shkrimtaren Lea Ypi.
Shumë është folur, hedhur e pritur, por vetë Ypi i ka hedhur poshtë këta zëra. Shkrimtarja sqaroi se përfshirja e emrit të saj në këto diskutime nuk ka asnjë bazë të vërtetë dhe se bëhet fjalë për nëj lajm të ndërtuar mbi supozime.
Sipas Ypit, politika shpesh lexohet gabimisht si një shfaqje, ku emrat qarkullojnë si personazhe që hyjnë dhe dalin nga skena, ndërsa harrohet thelbi i saj, përplasja dhe bashkëveprimi i forcave demokratike.
“Dhe unë jam munduar të kuptoj çfarë e sjell këtë nevojë për të përmendur emra, çfarë i bën gazetarët të më thonë “e keni parë deklaratën e filanit që ka përmendur emrin tuaj?” Në fakt nuk është e vërtetë. Lajmi bëhet duke nisur nga një e pavërtetë dhe pastaj zmadhohet e pavërteta. Pse njerëzit mundohet ta lexojnë politikën si një shoë, me emra personash që hyjnë dhe dalin? Si shpjegohet që ne politikën nuk arrijmë ta zbërthejmë si politikë të forcave demokratike? Ne, në fund të fundit, jetojmë në demokraci, dhe sistemin nuk e ndërton një individ”, tha ajo.
Ndërkohë që këto zëra janë komentuar dhe nga figura me peshë brenda së djathtës. Madje disa ditë më parë, ka qenë vetë ish-deputeti i Partisë Demokratike, Edmond Soaho i cili ka kritikuar Sali Berishës se nuk ka mbajtur afër vetes një njeri profesional dhe të arritur si Lea Ypi.
