Ka përfunduar mbledhja e deputetëve të Tiranës me kryeministrin Rama që u zhvillua ditën e sotme në selinë e Partisë Socialiste.
Burime për mediat bëjnë me dije se fokusi i këtij ka qenë kryesisht organizimi dhe detyrat e Bashkisë Tiranë.
Kryesocialisti mësohet t’u ketë kërkuar deputetëve që të angazhohen më shumë në terren dhe të afrojnë më shumë njerëz pranë PS, në mënyrë që të kuptojnë shqetësimet e tyre.
“U kam thënë se mungesa e kryetarit të zgjedhur do të jetë një problem, por ju nuk e keni marrë shumë seriozisht në atë kohë” ka thënë kryeministri Rama.
Në mbledhjen e sotme e cila nisi në orën 14:00 dhe përfundoi afro orës 15:20, prezentë ishin edhe përfaqësues së Bashkisë Tiranë.
Ky takim i Ramës me socialistët në selinë rozë, vjen një ditë pas mbledhjes së Kryesisë së Partisë Socialiste, aty ku dhe ai u caktoi disa porosi të qarta. Kryeministri Edi Rama mëngjesin e së martës mbajti për rreth gjysmë ore deputetët dhe ministrat e PS-së, ku dhe u ndalën kryesisht në çështjet organizative, por diskutuan dhe për caktimin e datës për Asamblenë e Partisë Socialiste.
