Kryeministri Edi Rama paralajmëroi sot, 8 mars, se sezoni turistik do të jetë edhe më i suksesshëm.
Deklaratën e bëri gjatë podkastit të tij “Flasim” ku komentoi paraqitjen e Shqipërisë në panairin e Berlinit.
Rama nuk la pas edhe ironinë për opozitën duke i quajtur “ditëzinj dhe punëzinj”.
“Panairi i Berlinit mbetet një nga skenat më të rëndësishme globale të turizmit, dhe fakti që Shqipëria, jo vetëm hyri në atë panair, por edhe vazhdoi të tërheqë këtë vit shumë interesim, është një mesazh i qartë se sezoni që po vjen do të jetë një sezon ende më i suksesshëm. Dhe pavarësisht të gjitha përpjekjeve të një tufe ditëzinjsh dhe punëzinjsh, siç thoshte dhe siç nuk i bie fjalë në tokë avokat Ngjelës, numrat rekord të Shqipërisë do të konsolidohen”, tha Rama.
Panairi i Berlinit është panairi më i madh ndërkombëtar i turizmit në botë. Këtë vit ai shënoi 60-vjetorin e tij.
