Në fjalën e mbajtur në edicionin e dytë të Matchmaker Albania, kryeministri Rama theksoi në fjalën e tij se Shqipëria ka pasur përmirësime së fundmi sa i përket investimeve dhe fushës së turzimit, duke u bërë kështu një vend që ofron jetesë më të mirë.
Në fjalën e mbajtur para të pranishmëve, kryeministri theksoi se vendi ynë ka avancuar aq shumë saqë është koha që të ritkhehen në Shqipëri personat që më parë kanë emigruar, duke shtuar se vendi ynë ofron mundësi të larta për një jetesë dhe ekonomi më të mirë.
“Është një vend për jetesë të mirë, gati të mirëpresim, të ofrojmë, të lidhim bizneset, njerëzit e ambiciet. MatchMaker nisi si histori suksesi falë personit, individit që mbikëqyr agjensinë AIDA që dua ta falenderoj për përkushtimin e saj” tha kryeministri Rama.
Ndërsa solli në vëmendje dhe takimin në Berlin gjatë të cilit u cek se Shqipëria ka avancuar goxha së fundmi duke u bërë një vend që të gjithë, përfshirë këtu dhe turistët, për të cilët tha se shikojnë një të ardhme më të mirë mes nesh.
“Më e mira është se Shqipëria reflekton sot kohën e botës. Pak javë më parë panairi në Berlin tregoi se Shqipëria nuk është më tokë e premtuar për një të nesërme tmë të mirë por një vend që të gjithë duhet ta shohin e të hidhen sikur nuk ka të nesërme” theksoi kryeministri Rama në fjalën e tij.
Deklarata e kryeministrit Rama vjen në një periudhë kur investimet nga shtetasit e huaj në Shqipëri kanë qenë në rritje.
Duke përgëzuar iniciativat e individëve të ndryshëm që mundësuan zgjerimin e tregut shqiptar, Rama bëri thirrje që investimet në Shqipëri të vijojnë, duke theksuar se vendi ynë ofron mundësi për një ekonomi më të mirë.
