Në orët e fundit të afatit për dorëzimin e kandidaturave për zgjedhjet për kryetar në Partinë Demokratike, Ervin Salianji ka reaguar në rrjetet sociale, ku ka njoftuar se ditën e nesërme do të dorëzoj kandidatrën.
Përmes një postimi të bërë në Instagram, ai citon vargjet e Naim Frashërit, ku shkruan: “Dielli lind andej nga perëndon”.
Salianji shprehet se modeli i demokracisë perëndimore mbetet burim frymëzues për të, duke theksuar se nuk do të ndalet së luftuari për të lënë pas të shkuarën dhe për të demokratizuar Partinë Demokratike
“Drita, përparimi, qytetërimi dhe demokracia vijnë nga Perëndimi. Prandaj shqiptarët e kanë vendosur që dijen dhe kulturën e marrin nga bota e përparuar. Modeli i demokracisë perëndimore më frymëzon dhe nuk do të ndalem në luftën për të lënë pas të shkuarën e për ta demokratizuar Partinë Demokratike,” thekson Salianji.
Gjithashtu ai në postim ka bërë një ironi të fortë, që sipas tij, në ditën kur të shpallet “uzurpimi dhe shkallmimi i rregullave demokratike”, ai do të ndodhet në vendin ku lindi Magna Carta, duke e cilësuar si tempullin e demokracisë.
