Kjo është dita e katërt që qytetarët do të protestojnë kundër projektit në Zvërnec, ndërkohë vetëm pak minuta më parë është bërë sërish një reagim nga kryeministri Edi Rama. I cili në llogarinë e tij në rrjetin social “Facebook” ka publikuar dy foto të projekteve të bëra nga investitorët nga Katari duke shkruar se e njëjta gjë pritet të ndodhë edhe në Zvërnec.
“Dy projekte të realizuara tanimë nga fiks bashkëinvestitorët e projektit që ka tronditur armiq të Shqipërisë Europiane, konkurentë të Shqipërisë Turistike, shqiptarë të verbër që po përdoren si vegla qorre kundër Shqipërisë
Po edhe shqiptarë të ndershëm e të ndjeshëm ndaj mjedisit, të cilët fatkeqësisht janë manipuluar nga lufta hibride që po zhvillohet egërsisht në rrjetet sociale nga armiqtë e vendit e tone”, ka shkruar Edi Rama ndër të tjera.
