Teksa qytetarët janë mbledhur në ditën e 30-të të tyre, një grup studentësh kanë vendosur që të hapin një banderolë gjigande nga ambientet e Universitetit Politeknik.
“Studentët: Ju erdhi fundi”, kështu shkruhej në banderolën e shpalosur nga studentët, gjë e cila solli dhe një reagim nga forcat e Policisë.
Menjëherë pas shpalosjes së saj, efektivë të policisë janë futur brenda ambienteve të universitetit me qëllim heqjen e banderolës nga duart e studentëve. Ky veprim ka sjellë tension të menjëhershëm dhe përplasje mes palëve ku burime për mediat bëjnë me dije se rojet e Universitetit i kanë mbyllur studentët në katin e fundit.
Pas këtyre përplasjeve, një pjesë e protestuesve janë shkëputur nga zona pranë Kryeministrisë dhe janë drejtuar me vrap drejt Universitetit Politeknik për të nxjerrë jashtë studentët të cilët mbetën të kyçur në ambientet e Korpusit.
