Një bisedë shumë e sinqertë dhe e hapur është zhvilluar këtë mbrëmje në emisionin “Goca dhe Gra” në Top Channel, ku e ftuar ka qenë gazetarja Mira Kazhani.
Gjatë rrëfimit të saj, ajo ka ndarë me publikun dëshirën e madhe për t’u bërë nënë, një fat që fatkeqësisht nuk e pati mundësinë ta provonte.
Duke prekur këtë temë të ndjeshme, Kazhani u ka dhënë një këshillë të vlefshme të gjitha vajzave dhe grave, duke u sugjeruar që të mendojnë për ngrirjen e vezëve.
Lidhur me këtë procedurë, ish-deputetja Ori Nebiaj ka zbuluar për herë të parë se ajo vetë e ka marrë masat paraprake duke ngrirë vezët.
“I kam marrë masat” u shpreh Ori Nebiaj, ndërsa Kazhani shtoi se ky hap është një mundësi e mirë për të qenë të sigurta në të ardhmen.
