Në një kohë kur shumë shqiptarë zgjedhin të braktisin vendlindjen e tyre për të emigruar, ka mes tyre edhe që kthehen për të punuar në Shqipëri.
Elvis Guçe është një mjek i ri, i cili pas studimeve në Selanik është kthyer të punojë në Gjirokastër. Në një intervistë për RTSH, ai thotë se “vendi ynë ka filluar të lëvizë ne drejtimin e duhur” duke iu referuar vëmendjes ndaj sistemit shëndetësor.
“Përpiqem t’u mbush mendjen të gjithëve që gjërat nuk janë aq keq sa duken. Mua më vjen shumë keq që njerëzit largohen, por kjo nuk ndodh vetëm këtu”, shprehet Guçe. Ai bën thirrje që në vend se të zgjedhim të largohemi nga Shqipëria le ta provojmë njëherë veten këtu.
