Monika Kryemadhi deklaroi se nuk do ta takojë në burg ish-bashkëshortin e saj, Ilir Metën.
Sipas Kryemadhit, masa e arrestit ka si qëllim që të zhvillojë edhe më keq konfliktin familjar mes çiftit që ndodhet në proces divorci.
“Komunikimi im me Ilir Metën prej 7 muajsh është zero, me përjashtim të ditës kur më ka ardhur padia e divorcit. Nuk kam komunikim me të. Ai ka objektivat e veta. Masa e arrestit për Ilir Metën është masë që tenton për të zhvilluar më tej konfliktin familjar tonin. Për gjëra që dyshojnë tek unë, duan t’ia vendosin Ilir Metën por nuk ka lidhje. Jo, edhe sikur të dua unë ta vizitoj në burg, nuk pranon Ilir Meta”, tha Kryemadhi.
Kryemadhi denoncoi se gjatë “rrëmbimit nga Policia”, Ilir Meta është goditur në kokë me grusht nga një prej agjenteve të BKH-së.
