Presidenti amerikan, Donald Trump, ka thënë të mërkurën, sipas kohës lokale amerikane, se do t’ia ndajë çdo të rrituri amerikan nga një “dividendë Trump” prej 5.000 dollarësh nëse republikanët mbajnë kontrollin e Kongresit në zgjedhjet e mesmandatit në nëntor, një përpjekje e jashtëzakonshme për t’i bindur votuesit të mbështesin partinë e tij, raporton Reuters.
Trump e bëri propozimin në konventën e parë të mesmandatit të Partisë Republikane, por nuk ishte menjëherë e qartë se si do të funksiononin pagesat ose nëse ato do të ishin të ligjshme.
Me afërsisht 270 milionë të rritur amerikanë, ideja do të kushtonte rreth 1.35 trilion dollarë.Gjatë një fjalimi në kohën e pikut të shikueshmërisë dhe që zgjati një orë e 45 minuta, Trump u mburr se kishte përfunduar “dy vitet më të mëdha në historinë e presidencës”, duke e vendosur veten drejtpërdrejt në qendër të zgjedhjeve pavarësisht rritjes së jopopullaritetit të tij. Por nuk ishte e qartë nëse fjalimi i tij në stilin e fushatës do t’u pëlqente votuesve kritikë të lëkundur, që sondazhet e opinionit tregojnë se janë larguar nga partia e Trumpit, mes pakënaqësisë në rritje me koston e jetesës dhe luftën kundër Iranit.
“Ne ua lëmë të ardhmen e Amerikës demokratëve të së majtës radikale dhe kombi ynë do ta kalojë dekadën e ardhshme duke u rikthyer në këmbë të veta”, ka thënë Trump duke bërë thirrje që amerikanët ta votojnë Partinë Republikane pasi me të, sipas tij, do të përmirësohet mirëqenia qytetare.
Takimi dy-ditor në Dallas, ku Trump do të mbajë gjithashtu fjalimin përmbyllës të enjten (10.09.2026) pas fjalimit kryesor të zëvendëspresidentit JD Vance, nënvizon shkallën në të cilën fati i republikanëve është i lidhur me Trumpin dhe shërben si pasqyrë për strategjinë e tyre para zgjedhjeve të mesmandatit më 3 nëntor.
Eventi ishte aq i përqendruar te presidenti saqë kryetari i Komitetit Kombëtar Republikan, Joe Gruters, e quajti atë në mënyrë informale “Trumpapalooza”, një shenjë respekti për festivalin popullor të muzikës “Lollapalooza”. Fokusi te Trump përbën bast të rrezikshëm se ai mund të mobilizojë votuesit që e çuan në presidencë dy vjet më parë, pavarësisht sondazheve publike që tregojnë se vlerësimet e popullaritetit kanë arritur në nivelin më të ulët historik. Presidenti u zotua të zhvillojë vizita të shumta në shtete dhe distrikte të fushëbetejës së madhe në tetë javët e ardhshme deri deri në ditën e zgjedhjeve.
