I pyetur nëse e mbështet Sali Berishën si kandidat për kryeministër, Gaz Bardhi tha se ai mbështet çdo kandidaturë që e voton anëtarësia e Partisë Demokratike.
Pavarësisht se dikur e sulmonte duke deklaruar se nuk bashkëpunonte me “non gratat”, Bardhi sot është “zbutur” madje ofron mbeshteje per liderin demokrat.
“PD nuk do të bojkotojë më kurrë zgjedhjet. Unë mbështes çdo kandidat për kryeministër të PD, pavarësisht nëse do jem pjesë e parë e betejës apo jo. Unë kam mbështetur dhe do mbështes PD-në, pavarësisht emrave. Kjo është partia që më ka dhënë titullin Sekretar të Partisë Demokratike. A e mbështes Sali Berishën? Unë mbështes çdo kandidat për kryeministër të Partisë Demokratike, që e voton anëtarësia. Zgjedhjet nuk fitohen nga individi, por nga partia“, tha Bardhi për News24.
