Biznesmeni Mohamed Alabbar ka mohuar kategorikisht lajmet që qarkulluan paraditen e sotshme, në lidhje me një tërheqje të tij nga projekti “Durrës Marina”.
Në një prononcim për “Hashtag.al”, Alabbar shkroi se ndihet i befasuar nga këto lajme duke i konsideruar spekulative dashakeqëse.
“Unë jam i befasuar nga këto lajme, zakonisht i injoroj thashethemet dhe shoh punën time. Këto lajme janë tërësisht të gabuara dhe spekulative. Po eci përpara me të gjithë detajet e projektit dhe nuk kam fare ndërmend të shes aksionet e mia në këtë projekt. Ju lutem vizitojeni personalisht zonën e projektit që ta shihni me sytë tuaj atë që po ndodh”, – u shpreh Al Alabbar.
Projekti “Durrës Marina” është një ndër punët më ambicioze tw kryeministrit Edi Rama i cili vazhdimisht ka deklaruar se Durrwsi do tw kthehet “Perla e masdheut”.
