Mediat italiane duket se e kanë më të thjeshtë që për vizitën e kryeministres së tyre Giorgia Meloni në Shqipëri të vijnë dhe të intervistojnë kryeministrin Rama në vilën qeveritare të Dhërmiut ku po vijon pushimet.
Kryeministri Rama ritregon me detaje se si reagoi Meloni kur u informua mbi historinë e të rinjve italianë që ikën pa paguar nga restoranti në Berat.
“Unë ia tregova këtë gjë për të qeshur pak, dhe të gjithë rreth saj bënë një buzëqeshje të madhe, por ajo bëri një mimikë të ashpër. U kthye nga ambasadori dhe i tha: Ju ambasador duhet të paguani atë faturë dhe të bëni një komunikim dhe të kërkoni falje sepse kjo është e turpshme”, tha Rama.
