Një aksident i rëndë ka ndodhur në aksin rrugor Transballkanik, pranë paraburgimit të Vlorës.
Bëhet me dije se një makinë e llojit “Porsche” ka humbur kontrollin për shkak të shpejtësisë së lartë.
Si pasojë, mjeti ka goditur 5 automjete të tjera që ndodheshin në rrugë. Drejtuesi i Porsche-t është plagosur dhe është transportuar në spital për marrjen e ndihmës mjekësore.
Në vendngjarje janë shkaktuar dëme të shumta materiale. Policia ka mbërritur në vendngjarje dhe ka nisur hetimet për zbardhjen e shkakut të aksidentit dhe rrethanat që çuan në humbjen e kontrollit të mjetit.
