Aktori i njohur Arben Derhemi, është shprehur i neveritur me shfaqje të tilla si Big Brother, që kanë tërhequr vëmendjen e gjithë shqiptarëve.
Dhe si për t’iu kundërvënë shfaqjeve të tilla pa vlerë si “Big Brother”, Derhemi thotë se shumë shpejt, me iniciativë të tij, në ekran do të rikthehet seriali i famshëm “Njerëz dhe fate”, me seri të reja. Serial që do të rikthejë në ekran kollosin e skenës shqiptare, Robert Ndrenika.
“Për mendimin tim nuk janë formate që i shkojnë shtat një aktori. E para e punës, mbi të gjitha, se është një kohë e humbur e tmerrshme pa asnjë lloj vlere. Dhe e dyta, nuk mundet një njeri normal të shkoj dhe të gjykohet në një ‘Reality’ të tillë… Unë nuk e di se si pranojnë njëherë… po gjithsesi zgjedhja është individuale…”, thotë Derhemi.
