Gazetari i njohur, Alban Dudushi deklaroi se pezullimi nga detyra e zv.kryeministres Belinda Balluku nga GJKKI nuk është vendimi i duhur.
Në “Top Story” Dudushi tha se pezullimi i Ballukut nuk ishte i duhur sepse sipas tij, së pari nëse hetohesh për korrupsion, prezumohesh i pafajshëm dhe së dyti vendimi i Gjykatës ka hyrë në vullnetin e kryeministrit.
“Nëse hetohesh për korrupsion, prezumohesh i pafajshëm. Pyetja është çfarë bën prokuroria. Ka mekanizma të tjerë që të kontrollojnë nëse je në akuzë. Pezullimi është që unë nuk të lë ty të hysh te zyra jote. Mund të arrestohet dhe kryeministri të vazhdojë ta mbajë në detyrë. Pezullimi ja lë vullnetin kryeministrit se çfarë mund të bëjë. Jemi duke folur për një gjë që ka hyrë të vullneti kryeministrit”, u shpreh Dudushi.
