Është prezantuar zyrtarish Altin Dumani si drejtues i Prokurorisë së Posaçme Kundër Krimit të Organizuar dhe Korrupsionit (SPAK).
Dumani ndër të tjera u shpreh se është gati të përballet me krimin e organizuar dhe korrupsionin duke paralajmëruar se do dënohen të gjithë pavarësisht pozitës që kanë.
“Pas këtyre 3 viteve SPAK do kalojë tashmë në një fazë tjetër e që është ajo e një lufte më agresive ndaj korrupsionit të zyrtarëve të cdo niveli si dhe krimit të organizuar. Inkurajoj e nxis secilin prej jush që të gjithë të demonstrojmë si një skuadër e vetme se jemi të aftë të procedojmë penalisht cdo shkelës ligji pavarësisht pozitës së tij, të mos harrojmë detyrën që të kemi një SPAK ku publiku të ketë besim” tha Dumani.
