Ambasadori britanik në Shqipëri, Alastair King-Smith ju është drejtuar me një mesazh emigrantëve shqiptarë dhe familjeve të tyre, që të mos rrezikojnë jetën e tyre për të shkuar ilegalisht në ishull. Ai ka thënë mbrëmjen e sotme se Anglia ka nevojë për shumë punëtorë të rregullt.
“[…] ne kemi një nevojë për një numër të konsiderueshëm njerëzish për të punuar, por ne duam që njerëzit të vijnë legalisht për t’i plotësuar ato vende pune, jo ilegalisht”, është shprehur ambasadori në Opinion. Ai u ka bërë thirrje familjeve shqiptare të mos i dërgojnë fëmijët me gomone.
Kujtojmë që kryeministri Edi Rama shprehu gatishmërinë për të bashkëpunuar me qeverinë britanike duke ngritur “një skuadër speciale” për të ndalur fluksin e lartë të emigrantëve Shqiptarë që kalojnë me gomone.
