Analisti Frrok Çupi ka komentuar qëndrimin e Athinës ndaj Shqipërisë në BE për shkak të çështjes Beleri. Çupi tha se presioni grek ndaj Shqipërisë për integrimin në BE, është një përrallë e së shkuarës, pasi Qeveria Rama i ka plotësuar kriteret për në BE.
“Qëndrimi i Greqisë ndaj Shqipërisë për çështjen Beleri, dhe sidomos qëndrimi bllokues për në Bashkimin Europian, është para së gjithash jashtë kohe. Këto taktika janë përdorur nga shtetet, janë grindur, por ka ndryshuar koha. Trendi tashmë është ky që BE, Europa domosdoshmerit do të zgjerohet, do ketë në radhë të parë Shqipërinë që realisht ka zënë radhën për të qenë e para. Ka plotësuar tërë kriteret. Ndodh me Greqine sepse gabimisht qeveria greke është kompozuar me disa organizata ekstremiste, terroriste anti-shqiptare, anti-turke dhe anti-europiane.
Qëndrimi i Gjermanisë dhe Spanjes përfaqëson Europën edhe në sensin simbolik. Gjermania është themeluese e BE, së bashku me Francën. Spanja është pjesa mesdhetare e BE, ku ka kapërcyer qindra probleme shumë më të rënda nacionaliste se sa vetë Greqia. Është një përrallë e së shkuarës. Pyetja është: Do lejohet Europa të mundet nga luftrat e Lindjes apo do pranohet Shqipëria në BE?”, – tha Çupi.
