Analisti Arben Meçe ka komentuar letrat që Ilir Meta shkruan nga qelia dhe qëllimin e ish-Presidentit për të qëndruar aktiv në media.
Analisti shprehet se këto letra janë një strategji për të mos vdekur politikisht.
“Ilir Meta është një person i cili në 30 vite ka pasur ndikim të madh në politiken shqiptare. Në momentin kur një politikan vdes në raport me komunikimin publik pra nuk janë pjesë e medias automatikisht ju vjen edhe vdekja e tyre në politikë. Kështu që të gjitha figurat politike ndërtojnë strategji për të qenë prezent në media. Siç është strategjia e Sali Berishës i cili është prezent në media çdo ditë. Në këtë kuadër që sapo shpjegova duhen parë edhe lëvizjet e Ilir Metës, nëse ai nuk qëndron aktiv në media ai vdes politikisht. Ilir Meta ngacmon opinionin publik me ato letra që shkruan nga burgu”, tha analisti Arben Meçe në Dritare TV.
