Gjykata e Apelit në GJKKO ka vendosur që të rikthejë në qeli ish-kryebashkiakun e Durrësit Vangjush Dakon.
Ditën e sotme Apeli konfirmoi dënimin me 2 vite e 8 muaj burg të dhënë nga GJKKO, por sipas përllogaritjeve, Vangjush Dako do të vuajë vetëm 10 ditë burg pasi pjesën tjetër të dënimit e ka kryer në paraburgim.
Vendimi në apel e morën 3-shja e gjyqtarëve Engert Pëllumbi, Miliana Muça dhe Iliriana Olldashi.
Kujtojmë që Vangjush Dako u arrestua në 6 qershor 2023, por u lirua në shkurt të vitit 2024 pasi i kaloi afati i paraburgimit dhe prej asaj kohe ka qëndruar në masën e sigurisë “arrest shtëpie”.
