Kryeministri Edi Rama deklaroi sot se nuk do të negociojë me askënd në lidhje me perimetrin e sigurisë, më 6 dhjetor, një ditë historike për Shqipërinë pasi zhvillohet Samiti i BE.
Rama tha se nuk do të ketë asnjë incident ditën e 6 dhjetorit, ndërsa bëri me dije se Berisha proteston për interesat e veta.
“Nuk besoj të ketë incidente. Samiti ka kohë që organizohet, përfshin shumë institucione dhe një të konsiderueshëm personash dhe zyrash që janë në këtë rast të BE-së, ku hyjnë dhe forcat e sigurimit. Nuk shoh asnjë arsye në botë për të negociuar me askënd. Ndodh që të bëjnë protesta kur zhvillohen samitet, por ndodhin jashtë perimetrit të sigurisë. Forcë e parave ruse për të rrëzuar qeverinë, duke njollosur Kosovën dhe Shqipërinë. Një forcë e udhëhequr nga një non-grata. Askush nuk do ta provojë të thyejë perimetrin e sigurisë. Do të ishte çmenduri. Njollosje për të tërhequr vëmendjen për halle personale”, tha Rama.
