Kryetari i Partisë Demokratike, Sali Berisha u shpreh se protesta e 20 shkurtit ishte një ditë triumfi.
“Dje ishte ditë triumfi për kryengritësit paqësorë të pamposhtur, të cilët u përballën dhëmb për dhëmb 3 orë me narkoshtetin në një betejë epike kundër qeverisë së paligjshme të Tiranës, kundër Edi Ramës, Lubi Ballukut, farsës së tyre elektorale, vjedhjeve të tyre të papërmbajtura”, tha Berisha.
Berisha paralajmëroi kryeministrin Edi Rama se militantët demokratë do të sulmojnë selinë e PS në të gjithë territorin e vendit.
“Garantoj Ramën se sulmet ndaj selisë së PD-së do të sjellin sulme asgjësuese për selitë e partisë së krimit (PS) në të gjithë territorin e vendit. Hiq dorë nga aventurat dhe provokimi i ulët. Ne betejën e kemi me Ramën si kryetar i organizatës kriminale, nëse sulmoni selinë e PD, PD do ju përgjigjet siç e meritoni. Dënoj me forcën më të madhe dhunën dhe terrorin policor. Dënoj gjuajtjen me seleksion të qytetarëve, pas koke njërit prej tyre, në gjoks nënkryetarit të PD dhe deputetit Luçiano Boçi dhe të tjerëve me plumba gome etj”, tha Berisha.
