Alfred Rrushaj ka hequr dorë nga mandati i deputetit të Partisë Demokratike.
Mësohet se Rushaj ka dhënë dorëheqjen për arsye personale. Ai më parë ka mbajtur postin e kryetarit të Grupit Parlamentar të Partisë Demokratike, kur kjo forcë politike drejtohej nga ish-kryetari Lulzim Basha.
Në janar të këtij viti, Rushaj do të njoftonte largimin nga posti i kreut të grupit parlamentar si dhe posti i nënkryetarit të PD-së.
Rushaj ka shërbyer si Zv.ministër i Financave nga viti 2009 deri në vitin 2013 dhe si këshilltar juridik i Ministrit të Ekonomisë, Tregtisë dhe Energjisë nga viti 2005 deri në vitin 2009.
