Ka nisur seanca në Apelin e GJKKO seanca për kryebashkiakun Erion Veliaj, i cili ka kërkuar zbutjen e masës së sigurisë “arrest me burg”.
Ndërkohë, gjyqtari Engert Pëllumbi ka vendosur rrëzimin e kërkesës së avokatit amerikan, Joshua Robert për të marrë pjesë në këtë seancë.
Avokati amerikan Joshua Robert, me çantë dhe dosje, mbërriti më herët pranë ambienteve të Apelit të GJKKO-së ku dhe depozitoi kërkesën për të qenë i pranishëm si vëzhgues në seancën ndaj kryebashkiakut Veliaj. Por, gjyqtari Pëllumbi vendosi rrëzimin e kësaj kërkese duke mos e lejuar avokatin amerikan të jetë pjesë e seancës së Apelit për Veliajn.
Sakaq theksojmë se të pranishëm në seancë janë edhe dy prokurorët e posaçëm, Altin Dumani dhe Ols Dado.
Kujtojmë që avokati Joshua Roberts eshte pjesë e studios ligjore amerikane Kasowitz Benson e Torres LLP.
