Avokati Kujtim Ibraj, deklaroi në emisionin “Qua Vadis” se masa e arrestit me burg për kryebashkiakun është shumë e rëndë për veprat penale për të cilat akuzohet.
Avokati Ibraj tregoi gjithashtu për debatin mes prokurorit Olsi Dado dhe Erion Veliajt gjatë shqyrtimit të masës së sigurisë.
Ai shpjegoi se Veliaj e kishte kundërshtuar mënyrën e thirrjes së bashkëshortes së tij, duke pretenduar se ajo duhej të ishte njoftuar me fletëthirrje zyrtare dhe jo përmes telefonit.
Pyetje: A ka shkelur të drejtat e njeriut deri tani SPAK?
Avokati Ibraj: “Në Francë, gjyqtarët mbulojnë hetimet dhe prokurori nuk guxon ta çojë çështjen në gjyq pa miratimin e gjyqtarit. Prokurorët e SPAK nuk kanë pse të marrin masa me ngutje. Nëse një dëshmitar ndjehet i intimiduar, ai mund të bëjë kallëzim. Debati që është bërë mes Olsi Dados dhe Veliaj ka qenë pse më ke thirrur bashkëshorten nëpërmjet thirrjeve telefonike. Sepse çohet fletëthirrje.Kjo është një shkelje e procedurës”
