Zv/kryeministrja Belinda Balluku ka dhënë lajmin e mirë se më 1 qershor të vitit 2024 do të hapet plotësisht dhe do të përfundojë tuneli i Llogarasë.
“Synimi ynë është që në sezonin e 2024, pra 1 qershorin e 2024 e gjithë vepra, pra 7. 4 km sepse 6 km është tuneli dhe 1. 4 janë rrugët ndihmëse dhe lidhëse, urat që do të lidhen direkt me pjesën e Palasës të jenë gati në 1 qershor dhe operative për qytetarët. Ky është synimi i gjithë grupit”, tha Balluku.
Krahas tunelit prej 5.99 kilometrash do të jetë edhe një tunel emergjence me gjatësi 6.04 km. Tuneli kryesor do të jetë i veshur me beton dhe i pajisur me sistemet komplekse të drenazhimit, ventilimit, mbrojtjes kundër zjarrit dhe tymrave, ndriçimit, thirrjeve të emergjencës dhe sinjalistikës.
