Qarku i Vlorës kryesoi renditjen pasi rreth 64,6% e banesave në pallate ishin bosh. ‘Cens 2023’ verifikoi se në Vlorë kishte ne total mbi mbi 54,7 mijë apartamente, prej të cilave 35,3 mijë ishin bosh.
Në vendin e dytë renditet Durrësi e cila ka rreth 58% të banesave në pallate bosh. Nga 46,9 mijë banesa në pallate gjithsej në Qarkun e Durrësit mbi 27,2 mijë ishin bosh në kohën kur u zhvillua Censi. Edhe qarku i Lezhës për shkak të zhvillimeve masive të ndërtimeve me pallate në zonën e Shëngjin, që shërbejnë si shtëpi të dyta, ka 47% bosh.
Qarku i Korçës kishte gjithashtu 40% të hyrjeve në apartamente bosh. Tirana ka 30% të apartamenteve në pallate, bosh. Sipas të dhënave të Cens në të gjithë vendin numërohen 431 mijë banesa në pallate nga të cilat 170,264 janë bosh dhe mbi 261 mijë ishin të banuara.
