Partia socialiste ka mbajtur ditën e sotme Asamblenë e Përgjithshme në Shkodër, Rama e quajti një bekim qeverisjen e PS-së në këtë qytet, me kryetarin e Bashkisë, Benet Becin.
Rama e nisi me faktin që Shkodra nuk quhet më ‘qyteti i plehrave’, si premtimi i parë bërë, dhe ndriçimin publik. Kryeministri përmendi restaurimin e godinës së Bashkisë Shkodër, Muzeun e Kujtesës, transformimin e rrugës kryesore, Rrugën e Dukagjinit, projektin energjitik dhe shfrytëzimin e energjisë diellore.
“Do fillojmë restaurimin e godinës së Bashkisë Shkodër. Është ‘Allah Allah’, ajo godinë flet shumë për kush e ka drejtuar deri tani. Ka nevojë për një restaurim, një diamant në dorën e qytetit dhe jo një godinë që të duket sikur të vjen keq se duket sikur do shembet. I kemi mbajtur një pjesë të madhe të zotimeve. Ky është takimi i parë në një vend që nuk e qeverisnim më përpara. Ne jemi bekimi i Shkodrës, mallkimi ishte tjetër kush. Po të shkuara të harruara kur i thonë fjalës”, tha Rama.
