BBC i dedikoi sot një artikull të posaçëm bukurive të Alpeve Shqiptare.
Në artikull media britanike flet për natyrën e vendit tonë dhe faktin se deri vonë, Shqipëria është konsideruar si “enigma e Europës”. Artikulli ka tërhequr vëmendjen e kryeministrit Edi Rama. Kreu i qeverisë shkruan se artikulli vjen si një ogur i mirë për promovimin ndërkombëtar të Shqipërisë në sezonin që nis shumë shpejt.
“Shqipëria në BBC. Prej dekadash, pak udhëtarë dinin diçka për plazhet e arta të Shqipërisë, malet e egra dhe gjurmët romake e otomane. Por që prej viteve kur ky komb ballkanik u hap me vetëdije ndaj botës, ka tërhequr udhëtarët e etur për të zbuluar një nga qoshet e fundit të egra dhe më pak të eksploruara të Evropës”, janë disa prej rreshtave të artikullit të botuar sot, një ftesë e parfumosur me aromën e detit, lulet e alpeve dhe mikpritjen mbresëlënëse të shqiptarëve. Artikull që vjen edhe si një ogur i mirë për promovimin ndërkombëtar të Shqipërisë në sezonin që nis shumë shpejt”, shkruan Rama.
