Meteorologia Lejda Porja paralajmëroi se Shqipëria sot (e premte) do të të ketë temperaturat më të larta për muajin qershor.
Sipas saj, temperaturat në Shqipëri gjatë ditës së sotme pritet të shkojnë nga 41-43 Gradë Celcius. Meteorologia shpjegoi se të dielën dhe të hënën pritet një ulje temperaturash.
“Sot Shkodra, Tirana dhe Fieri do të regjistrojnë temperaturat më të larta për muajin qershor. Është një situatë që kalon shpejt. Të shtunën dhe të dielën do të ketë ulje të temperaturave me 2-3 gradë celcius. Dita e diel dhe e hënë do ketë rrebeshe të izoluara në disa zona të caktuara.
Edhe pjesa e mbetur e qershorit do të jenë 36-37 gradë celcius. I nxehti afrikan nuk pritet të kalojë menjëherë. Disa qytete do të përjetojnë netë tropikale si Saranda, Vlora, Fieri. Nëse bëjmë krahasim me qershorin, janë temperatura ekstreme, pasi vlera të tilla shënohen në korrik ose në gusht. Pluhuri saharian do të jetë i pranishëm për disa ditë. Në hije temperaturat shkojnë deri në 40 gradë celcius, ndërsa në diell do të jenë deri në 43 gradë“, tha meteorologia Porja.
